ԺՅՈՒՐԻ

 

Արմեն Հարությունյան /Հայաստան/

Հայ ջութակահար, մանկավարժ, Երևանի Կոմիտասի անվան պետական կոնսերվատորիայի պրոֆեսոր, լարային գործիքների ամբիոնի վարիչ, հասարակական գործիչ ` «Կամերտոն» մշակութային հասարակական կազմակերպության  նախագահ, Առնո Բաբաջանյանի անվան պատանի և երիտասարդ դաշնակահարների միջազգային մրցույթ-փառատոնի գեղարվեստական ղեկավար:

Ավարտել է Երևանի Կոմիտասի անվան պետական կոնսերվատորիան (պրոֆեսոր Հ. Բոգդանյանի դասարան, 1984 թ.), ապա ասպիրանտուրան (պրոֆեսոր Ա. Շամշյանի դասարան, 1999 թ.):
1987 թվականից  մինչ այսօր իրականացնում է ակտիվ մանկավարժական գործունեություն Երևան  քաղաքի առաջատար երաժշտական դպրոցներում, Առնո Բաբաջանյանի անվան պետական երաժշտամանկավարժական քոլեջում և Կոմիտասի անվան պետական կոնսերվատորիայում: Վարել է վարպետության դասեր Բելգիայի, Լիբանանի, ԱՄՆ-ի, Հայաստանի և Արցախի տարբեր քաղաքներում: Ուսանողներից շատերը միջազգային, համահայկական և հանրապետական մրցույթների դափնեկիրներ են: 
2002 թվականից  «Կամերտոն» հասարակական - մշակութային կազմակերպության հիմնադիրը և նախագահն է, 2011 թվականից՝ «Առնո Բաբաջանյանի անվան պատանի և երիտասարդ դաշնակահարների միջազգային մրցույթ - փառատոնի» գեղարվեստական ղեկավարը:
Պարբերաբար հանդես է գալիս հանրապետական և միջազգային մրցույթների ժյուրիի կազմում:
Հարությունյանը ՀՀ վաստակավոր մանկավարժ է, պարգևատրվել է ՀՀ կրթության և գիտության նախարարության Ոսկե մեդալով, ՀՀ մշակույթի նախարարության «Գրիգոր Նարեկացի» հուշամեդալով:

Կարեն Հարությունյան /Բելգիա/

Կարեն Հարությունյանը միջազգային ճանաչում ունեցող ջութակահար է, պրոֆեսոր և բազմաթիվ հեղինակավոր միջազգային մրցույթների դափնեկիր։ 1975 թվականին ընդունվել է Մոսկվայի Չայկովսկու անվան պետական կոնսերվատորիա, որտեղ ուսանել է աշխարհահռչակ ջութակահար Լեոնիդ Կոգանի ղեկավարությամբ։ Ավարտելով գերազանցությամբ՝ մեկնարկել է փայլուն միջազգային կարիերա։

Հարությունյանը հանդես է եկել Հունգարիայում, Գերմանիայում, Ավստրիայում, Իսպանիայում, Ֆրանսիայում, Նիդերլանդներում, Իռլանդիայում, Ֆինլանդիայում, Կանադայում և այլ երկրներում։ Բազմիցս ելույթ է ունեցել որպես մենակատար՝ համագործակցելով հայտնի դիրիժորների հետ, այդ թվում՝ Յուրի Սիմոնովի, Վալերի Գերգիևի, Մաքսիմ Շոստակովիչի, Պետր Լիլիեի։

Հարությունյանը ելույթներ է ունեցել նաև նշանավոր երաժիշտների հետ, այդ թվում՝ Սվյատոսլավ Ռիխտեր, Գիդոն Կրեմեր, Վիկտոր Տրետյակով, Ֆիլիպ Հիրշհորն, Անդրեյ Կորսակով, Վլադիմիր Սպիվակով, Նատալյա Յաշվիլի և այլք։

Կարեն Հարությունյանը հիմնադրել է «Վիրտուոզներ» կամերային նվագախումբը, որի գեղարվեստական ղեկավարն ու մենակատարը նա է։ Նվագախումբը շրջագայել է նախկին ԽՍՀՄ և Արևմտյան Եվրոպայի բազմաթիվ երկրներում և թողարկել է մի շարք ձայնագրություններ։

1994 թվականին լեգենդար ջութակահար Եհուդի Մենուհինը Բելգիայում անձամբ կազմակերպել է երկու համերգ՝ նվիրված Կարեն Հարությունյանին ։

Որպես պրոֆեսոր՝ նա պարբերաբար հրավիրվում է վարպետաց դասեր անցկացնելու Ռուսաստանի, Իսպանիայի, Ֆրանսիայի և այլ երկրների առաջատար կրթական հաստատություններում։ Նրա աշակերտներից շատերը դարձել են միջազգային մրցույթների հաղթողներ՝ ներկայացնելով նրա բարձրակարգ մանկավարժական մոտեցումը։

Սավվա Ֆատկուլին (Իսպանիա)

Սավվա Ֆատկուլինը ծնվել է 1981 թվականին Եկատերինբուրգում (Ռուսաստան): Ջութակի ուսուցումը սկսել է 6 տարեկանում՝ Մոսկվայի Կոնսերվատորիային կից Երաժշտական դպրոցում։

Հետագայում ավարտել է երաժշտական ուսումը Իսպանիայում՝ Ռեյնա Սոֆիայի Երաժշտական Քոլեջում, Զախար Բրոնի ջութակի դասարանում։

2001-ից 2003 թվականներին սովորել է Գերմանիայում՝ Վյուրձբուրգի Կոնսերվատորիայում՝ Գրիգորի Ժիսլինի մոտ, և հետո գերազանցությամբ ավարտել է ուսումը Եկատերինբուրգի կոնսերվատորիայում։

Մասնակցել է վարպետության դասընթացների հետևյալ երաժիշտների մոտ՝ Մ. Ֆուքս, Դ. Զաֆեր, Զ. Շիխմուրզաևա, Պ. Մունտեանում, Օ. Կրիսա, Պ. Վերնիկով, Ա. Նեչիպորուկ, Վ. Ռեպին, Վ. Տրետյակով, Խ.Լ.Գ. Ասենսիո և Դ. Պոպպեն։

Հանդես է եկել բազմաթիվ համերգներով Գերմանիայում, Ֆրանսիայում, Անգլիայում, Իռլանդիայում, Իտալիայում, Բրազիլիայում և Ռուսաստանում։

Որպես “Trio Concordiae” անսամբլի անդամ՝ արժանացել է մի շարք ազգային և միջազգային մրցանակների։

Բեմական գործունեությանը զուգընթաց՝ սկսած 18 տարեկանից զբաղվում է մանկավարժությամբ՝ դասավանդելով տարբեր մասնավոր դպրոցներում Իսպանիայում։ Համադրում է ռուսական դպրոցի ավանդույթները ժամանակակից մեթոդաբանությունների հետ՝ դասավանդման մեջ հասնելով նշանակալի արդյունքների, այդ թվում՝ ազգային և միջազգային մրցանակների։

Բացի “Կատարինա Գուրսկա” բարձրագույն կոնսերվատորիայում դասավանդելուց, նա այժմ ներգրավված է մի քանի առաջատար ծրագրերում Իսպանիայում՝ երիտասարդ ջութակահարների համար, այդ թվում՝ “CSKG” ակադեմիայի «Պաշտոնական Բարձրագույն Կատարողական Ծրագիրը» և “Progreso Musical” ակադեմիայում գործող “International Strings Academy”-ն։

Քելվին Վոնգ (Չինաստան)

Քելվին Վոնգը ջութակահար է, ինչպես նաև մանկավարժ և դիրիժոր, ով ունի բազմաբնույթ գործունեություն երաժշտական արվեստում։ Նրա կատարողական գործունեությունը ընդգրկում է երաժշտություն՝ սկսած բարոկկո դարաշրջանից մինչև ռոմանտիզմ։ Նա աշխատում է տարբեր տարիքային խմբերի և պատրաստվածության մակարդակների ուսանողների հետ։ Վոնգի համար աշակերտին ջութակահար դարձնելը մշտապես եղել է հպարտության և ոգեշնչման աղբյուր։

Նա ավարտել է Հոնկոնգի Բապտիստական համալսարանի Երաժշտության ֆակուլտետը՝ ստանալով երաժշտության բակալավրի աստիճան։ Ուսման ընթացքում աշխատել է որպես ջութակի դասընթացների ասիստենտ։ Հետագայում խորացրել է իր մասնագիտական հմտությունները ջութակի ուսուցման մեթոդաբանության ոլորտում՝ սովորելով պրոֆեսոր Վոնգ Ֆու Տոնգի, պրոֆեսոր Ժանգ Շի Սյանի և պրոֆեսոր Սերգեյ Ֆատկուլինի ղեկավարությամբ։

Քելվին Վոնգը համարվում է իր սերնդի ամենանվիրված մանկավարժներից մեկը։ 2013 թվականին արժանացել է Schoenfeld միջազգային լարային մրցույթի «Գերազանց ուսուցիչ» մրցանակին։ 2018 և 2020 թվականներին ստացել է «Գերազանց ուսուցման» մրցանակներ Հոնկոնգի Ութերորդ և Տասներորդ Միջազգային Ջութակի Մրցույթներում։ Նրա սաները բազմիցս դարձել են դափնեկիրներ միջազգային մրցույթներում, այդ թվում՝ Concorso Violinistico Internazionale “Andrea Postacchini”, Schoenfeld International String Competition, Graham Music Award, Prokofiev International Music Competition, Singapore Raffles International Music Competition, Hong Kong International Young Musicians Competition և այլուր։

Վոնգի ուսուցման համակարգի կենտրոնում բեմական փորձառությունն է։ Նա մեծ ջանքեր է գործադրում իր սաներին մենակատար հանդես գալու հնարավորություններ ընձեռելու ուղղությամբ՝ ինչպես Հոնկոնգում, այնպես էլ արտերկրում։ Նրա աշակերտները ելույթ են ունեցել հեղինակավոր համերգասրահներում, այդ թվում՝ Petronas Filharmonik Hall (Մալայզիա), Գլինկայի ակադեմիական կապելլա (Ռուսաստան), Finlandia Hall (Ֆինլանդիա), ինչպես նաև Չինաստանի և Հոնկոնգի բազմաթիվ ճանաչված դահլիճներում։

2022 թվականից Քելվին Վոնգը դասավանդում է որպես ջութակի պրոֆեսոր Centro Superior Katarina Gurska երաժշտական կրթական հաստատությունում։ Նա նաև ղեկավարում է Hong Kong Young Soloists կրթական ծրագիրը, հանդիսանում է Diocesan Girls’ Junior School-ի գործիքային ուսուցիչ և Ying Wa Primary School-ի ավագ լարային նվագախմբի դիրիժոր։ 2021 թվականին նա արժանացել է The World Orchestra Festival-ի «Դիրիժորի մրցանակին»։

Վոնգը հանդիսացել է նաև ժյուրիի անդամ մի շարք հեղինակավոր մրցույթներում, այդ թվում՝ Հոնկոնգի Միջազգային Երիտասարդ Երաժիշտների Մրցույթում, որի գեղարվեստական ղեկավարը ջութակահար Կիրիլ Տրուսովն է։

Տիգրան Հարությունյան / Գերմանիա/

Ջութակահար:  Դասավանդում է Գերմանիայում Կալվ, Կարլսռուե և այլ քաղաքների երաժշտական դպրոցներում, Ուդե տրիոյի ջութակայար, Միջազգային մրցույթների դափնեկիր