hy-AMen-USru-RU
X
«Կամերտոն-Սոլիստ» մրցույթ

Նոյեմբերի 15-ին և 16-ին Երևանում կանցկացվի «Կամերտոն-Սոլիստ»  կատարողական արվեստի միջազգային մրցույթը:
Մրցույթին կմասնակցեն կատարողներ Ռուսաստանից, Լատվիայից, Գերմանիայից, Թուրքիայից, Վրաստանից և Հայաստանից:
Մենք ՝ մրցույթի կազմակերպիչներս, ջերմորեն ողջունում ենք բոլոր մասնակիցներին: Հուսով ենք, որ մասնակցությունն այս մրցույթին ևս մեկ խթան կհանդիսանա մասնագիտական աճի համար և կնպաստի ձգտել առավելագույնին միշտ և ամեն ինչում:
Մաղթում ենք բոլորիդ ոգեշնչում և հաջողություն:

 

 

Հայտարարություն

«Կամերտոն-Սոլիստ» միջազգային կատարողական արվեստի մրցույթի Գալա համեգը և մրցանակաբաշխությունը տեղի կունենան դեկտեմբերի 22 -ին ժամը՝ 19:00- ին, Կոմիտասի անվան  կամերային երաժշտության տանը / հասցե՝ Իսահակյան փող1, /: Գալա համեգին ելույթ կունենան յուրաքանչյուր անվանակարգի Մեծ մրցանակի արժանացած, նաև ժյուրիի կողմից առաջադրված մրցանակակիրները:  

«Կամերտոն-Սոլիստ» միջազգային կատարողական արվեստի մրցույթի մենակատարների համերգը՝ Մեծ մրցանակի, առաջին և երկրորդ մրցանակների արժանացածների մասնակցությամբ, տեղի կունենա Դեկտեմբերի 21 - ին, ժամը՝ 19:30- ին, Ա. Խաչատրյանի տուն- թանգարանում / հասցե՝ Զարոբյան 3/ : 

«Կամերտոն-Սոլիստ» միջազգային կատարողական արվեստի մրցույթի կազմկոմիտեն բոլոր անվանակարգերի մասնակիցներին, հրավիրում է մասնակցելու վարպետաց դասերի, որոնք կանցկացվեն դեկտեմբերի 20- ին, Ա. Բաբաջանյանի անվան պետական երաժշտամանկավարժական քոլեջում /հասցե՝ Ազատություն 18/: 
Վարպետաց դասերին մասնակցելու համար անհրաժեշտ է նախապես գրանցվել՝ ուղարկելով մասնակցությունը հաստատող նամակ՝ նշելով ներկայացվելիք ստեղծագործության հեղինակին և վերնագիրը: Հայտերի ընդունման վերջնաժամկետը՝ դեկտեմբերի 6-ը:

2002 թ. հիմնվեց և հայ երաժշտական մշակույթում շուրջ 4 տարի ակտիվ գործունեություն ծավալեց «Կամերտոն» արվեստագետների հասարակական կազմակերպությունը: Այն իր ժամանակ հանդես եկավ այնպիսի քայլերով, ինչպիսին էր, օրինակ, հայ մշակութային իրականությունում այդ օրերին առաջին՝ պատանիների կամերային նվագախմբի հիմնումն ու նրա կանոնավոր համերգային գործունեությունը: Պատանի կատարողները՝ մենանվագ կատարումներով, և «Կամերտոնի» կատարողական խմբերը, այդ թվում՝ կամերային նվագախումբը, մասնակցել են բազում մշակութային և հասարակական - սոցիալ - մշակութային նախագծերի, միջոցառումների: Ուշագրավ փաստ է և այն, որ դեռևս 2003 թ., Ա. Խաչատրյանի 100-ամյա հոբելյանի՝ իր նախաձեռնությամբ իրականացված տոնական միջոցառումների շրջանակներում, «Կամերտոնը» բարձրացրել է ՀՀ ազգային օրհներգի՝ խաչատրյանական տարբերակով փոխարինման խնդիրը: Լինելով մտավորականների յուրատեսակ կենտրոն, Կամերտոնը մշտապես իր սկզբունքային, մասնագիտական վերաբերմունքն է ունեցել հայ երաժշտական մշակույթի զարգացման խնդիրների վերաբերյալ:
2019 թ., երկարատև դադարից հետո, վերակազմավորվեց «Կամերտոնը»՝ իբրև մշակութային հասարակական կազմակերպություն: