Մրցույթի կազմակերպիչ – «Կամերտոն» մշակութային հասարակական կազմակերպություն

Մրցույթի աջակիցներ 

ՀՀ Մշակութային կրթության աջակցության հիմնադրամ

 Հայաստանի ազգային նվագարանների պետական նվագախումբ

ՄՐՑՈՒՅԹԻ ՄԱՍԻՆ

Կամերտոն մշակութային հասարակական կազմակերպությունը հանդես է գալիս «Կամերտոն - Սոլիստ» ժողովրդական երգի և ազգային նվագարանների կատարողական արվեստի միջազգային II առցանց մրցույթ-փառատոնի նախաձեռնությամբ:

Մրցույթի նպատակն է՝ շնորհալի պատանի կատարողների բացահայտումը, նրանց կատարողական ունակությունների կատարելագործումը, գեղագիտական ​​ճաշակի զարգացումը, աճող սերնդի շրջանում ազգային գործիքային ​​կատարողական արվեստի տարածումը, ազգային նվագարանների պրոպագանդումը:

Լավագույն մասնակիցները կմնան Կամերտոն մշակութային հասարակական կազմակերպության ուշադրության կենտրոնում, կմասնակցեն վարպետաց դասերի, կներգրավվեն տարատեսակ մշակութային նախագծերում:

Մրցույթին կարող են մասնակցել մինչև 24 տարեկան (ներառյալ) կատարողներ:

Մրցույթի անվանակարգերն են՝ բոլոր ազգային նվագարանները, երգեցողությունը:

«Կամերտոն - Սոլիստ» ժողովրդական երգի և ազգային նվագարանների կատարողական արվեստի միջազգային II առցանց մրցույթ-փառատոնի լավագույն կատարողներին, ՀՀ- ում կարանտինային ռեժիմի ավարտից հետո, ընձեռվելու է հնարավորություն՝ ելույթ ունենալ Հայաստանի ազգային նվագարանների պետական նվագախմբի հետ՝ իբրև մենակատար:

ՄՐՑՈՒՅԹԻ  ԱՆՑԿԱՑՄԱՆ  ՊԱՅՄԱՆՆԵՐԸ

1. Մրցույթը կանցկացվի 2021 թ փետրվարի 20-25-ը :
2. Հայտերի ընդունման վերջնաժամկետն է 2021 թ. փետրվարի 15-ը:
3. Մրցույթին կարող են մասնակցել պատանի կատարողներ, ովքեր ծնվել են 1996 թ. փետրվարի 20-ից հետո:
4. Մրցույթ-փառատոնը կանցկացվի մեկ փուլով:
5. Մրցույթ-փառատոնին ներկայացվող ստեղծագործությունները պետք է կատարվեն անգիր:
6. Մրցույթ-փառատոնին մասնակցելու համար անհրաժեշտ է դիմում- հայտում ներառել  you tube- յան հղումը :
7. Մրցույթ-փառատոնը տեղի կունենա Երևան քաղաքում: 
8. Գալա-համերգները տեղի կունենան Երևանում կարանտինային ռեժիմի ավարտից հետո:
9. Գրան-պրիի և I մրցանակի արժանացած մասնակիցները ժյուրի որոշմամբ կստանան հնարավորություն՝ ելույթ ունենալու Հայաստանի ազգային նվագարանների պետական նվագախմբի հետ եզրափակիչ Գալա-համերգներից մեկում. Երևանում:
10. Բացի անվանակարգի հաղթողից, ժյուրիի որոշմամբ Գալա-համերգին կարող է մասնակցել նաև մեկ այլ մասնակից: 
11. Օտարերկրյա մասնակիցները Գալա-համերգների հրավեր ստանալուց հետո ՀՀ մուտքի արտոնագիր ստանալու համար պետք է դիմեն իրենց երկրում ՀՀ դեսպանատուն կամ հյուպատոսարան:
12. Բոլոր մասնակիցներն իրենք են հոգում իրենց ճանապարհածախսն ու կեցությունը:
13. Գալա-համերգներին առնչվող այլ մանրամասները կհայտարարվեն նախորոք կայքէջի՝ www.kamerton.am միջոցով:
14. Մասնակիցների համար սահմանված է մասնակցության վճար:

ՖԻՆԱՆՍԱԿԱՆ ՊԱՅՄԱՆՆԵՐ

Արցախի քաղաքացիների համար՝ մասնակցությունն անվճար է։

ՀՀ քաղաքացիների համար՝ 10000 ՀՀ դրամ մասնակցության վճարը փոխանցվում է «ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ»- ի հետևյալ հաշվեհամարներին.

1. ՀՀ դրամով փոխանցումների համար. 220303350627000

2. Եվրոյով փոխանցումների համար. 220303350338002

Ստացող`«Կամերտոն» մշակութային հասարակական կազմակերպություն

Նպատակը` «Կամերտոն-Սոլիստ» մրցույթ, մասնակցի անունը, ազգանունը:

Արտասահմանյան քաղաքացիների համար՝ 40 եվրո:

Վճարման ռեկվիզիտներ՝

Թղթակից բանկ: Commerzbank, AG

Address: 60261 Frankfurt am Main, Germany

SWIFT: COBADEFF

Ստացողի բանկ: ACBA-CREDIT AGRICOLE BANK

SWIFT: AGCAAM22

 Թղթակցային հաշիվ: 400888012200

Ստացողի հաշվեհամար: AM220303350338002

Ստացող`«Կամերտոն» մշակութային հասարակական կազմակերպություն

Նպատակը` «Կամերտոն-Սոլիստ» մրցույթ, մասնակցի անունը, ազգանունը:

Վճարումը կատարվում է ոչ ուշ, քան հայտերի ընդունման ժամկետի վերջին օրը (հայտերի ընդունման վերջնաժամկետն է 2021 թ. փետրվարի 15-ը): Հակառակ դեպքում հայտը չեղարկվում է:

Որևէ պայմանի խախտման դեպքում մասնակցության վճարը չի վերադարձվում:

ՄՐՑԱՆԱԿՆԵՐ

Յուրաքանչյուր անվանակարգի և տարիքային խմբի համար սահմանված են դիպլոմներ, մրցանակներ.

Մեծ մրցանակ ( Գրան- պրի)

• Առաջին մրցանակ`   Դափնեկրի դիպլոմ
• Երկրորդ մրցանակ`   Դափնեկրի դիպլոմ
• Երրորդ մրցանակ`    Դափնեկրի դիպլոմ
• Չորրորդ մրցանակ`     Դափնեկրի դիպլոմ
• Հինգերորդ մրցանակ`         Դափնեկրի դիպլոմ
• Դիպլոմ
• Մասնակցության վկայականներ
• Խրախուսական մրցանակներ

Ժյուրին կարող է սահմանել հատուկ մրցանակներ:

Ժյուրին իրավունք ունի չշնորհել կամ կիսել մրցանակները:

Ժյուրիի որոշումները վերջնական են և ենթակա չեն բողոքարկման:

Ժյուրիի կազմի մեջ մտնում են՝ պրոֆեսորներ, անվանի մանկավարժմեր, միջազգային մրցույթների դափնեկիրներ :

Մասնակիցները գնահատվում են հետևյալ կերպ՝

Գրան-պրի` շնորհվում է այն մասնակցին, ով վաստակել է 99-100 միավոր

Առաջին մրցանակ`  90-98 միավոր

Երկրորդ մրցանակ`  80-89 միավոր

Երրորդ մրցանակ՝  70-79 միավոր

Չորրորդ մրցանակ՝  60-69 միավոր

Հինգերորդ մրցանակ՝ 50-59 միավոր

Դիպլոմ՝  40- 49  միավոր

Մրցույթի արդյունքները կհրապարակվեն փետրվարի 26-28-ը, www.kamerton.am կայքի «Մրցույթներ» բաժնում:

ԱՆՀՐԱԺԵՇՏ ՓԱՍՏԱԹՂԹԵՐԸ

• մասնակցության հայտ /լրացվում է առցանց/
• ծննդյան վկայականի կամ անձնագրի պատճենը,
• Մասնակցության վճարի անդորրագրի պատճենը: 

ԱՆՎԱՆԱԿԱՐԳԵՐ, ՏԱՐԻՔԱՅԻՆ ԽՄԲԵՐ, ԾՐԱԳՐԵՐ

ՏԵՍԱԳՐՈՒԹՅԱՆ ՊԱՀԱՆՋՆԵՐԸ

1. Տեսագրությունը պետք է լինի սկզբից մինչև վերջ աոանց ընդհատումների և մոնտաժի:

2. Պետք է տեսանելի լինեն մասնակցի դեմքը, ձեռքերը, գործիքը և նվագակցողը.

3. Կատարումից առաջ մասնակիցը, դեմքով դեպի տեսախցիկը պետք է հայտարարի  իր անունը, ազգանունը, տարիքային խումբը, ստեղծագործության հեղինակն ու անվանումը `ավարտելով ««Կամերտոն-Սոլիստ» առցանց մրցույթ-փառատոնի համար» բառերով.

4. Մրցույթին ներկայացված ստեղծագործությունները պետք է կատարվեն անգիր.

5. . Տեսագրությունը, որը չի համապատասխանի վերը նշված կանոններին, չի ընդունվի:

Հետադարձ կապ

Երևան, Ազատության 18,

Մրցույթի կազմկոմիտե

հեռ.` (0037410) 28 53 20

էլեկտրոնային փոստ՝ solist@kamerton.am

Կայքէջ՝ www.kamerton.am